काठमाडौँ – प्रधानमन्त्री सुशीला कार्कीसँग भेटवार्ता गर्न एमाले नेताहरु बालुवाटार पुगेका छन्।बिहीबार साँझ बालुवाटारमा एमालेका महासचिव शंकर पोखरेल, उपमहासचिव प्रदीप ज्ञवाली र महेश बर्तौला सहभागी छन्।भेटवार्तामा सञ्चार तथा सूचना प्रविधि मन्त्री जगदीश खरेल पनि सहभागी छन्।

कार्की नेतृत्वको सरकार र संसद विघटन असंवैधानिक भएको भन्दै सडक तथा अदालतमा कानुनी उपचारमा गएको एमालेको उच्च नेतृत्वले प्रधानमन्त्रीलाई भेट गरेको हो।एमालेले सरकारले चुनावी वातावरण बनाउन नसकेको र कार्की सरकारले चुनाव नगर्ने दाबी गर्दै आएको अवस्थामा बिहीबार भएको भेटलाई अर्थपूर्ण रुपमा हेरिएको छ।दुवै पक्षले एक अर्कासँग सम्बन्ध सुधारका लागि प्रयत्न गरेको बताइन्छ।