रबि बर्णवाल
काठमाडौं- प्रधानमन्त्री वालेन्द्र शाह बाढी प्रभावित क्षेत्रको निरीक्षणका लागि सडक मार्ग हुँदै नुवाकोटको विदुरतर्फ प्रस्थान गरेका छन्।
शाहसँगै पूर्वाधार विकास मन्त्री सुनिल लम्साल पनि सँगै प्रभावित क्षेत्रतर्फ प्रस्थान गरेका छन्। उनीहरु बिहीबार बिहान ९:३० बजे बाढी प्रभावित मुख्य क्षेत्रहरूमध्ये एक विदुरतर्फ प्रस्थान गरेको प्रधानमन्त्रीको सचिवालयले जानकारी दिएको छ।
बुधबार रसुवाको भोटेकोसी हुँदै आएको बाढीले नदी तटीय क्षेत्रहरूमा ठूलो मानवीय तथा भौतिक क्षति पुर्याएको छ। बाढीको लगत्तै सरकारले उद्धार र राहतका लागि सरकारकी संयन्त्रहरू परिचालन गरेको छ।
भ्रमणका क्रममा प्रधानमन्त्री र पूर्वाधार मन्त्रीको टोलीले बाढीबाट भएको भौतिक क्षतिको प्रत्यक्ष जानकारी लिनुका साथै स्थानीय प्रशासन, सुरक्षा निकाय र जनप्रतिनिधिसँग राहत, पुनर्स्थापना र अवरुद्ध पूर्वाधार सञ्चालनबारे छलफल गर्ने छ।
साथै, सम्पूर्ण प्रभावित क्षेत्रहरूमा राहत पुर्याउन र पूर्वाधार पुनर्निर्माणको कामलाई तीव्रता दिन गर्न सकिने सबै आवश्यक काम गर्न पनि सम्बन्धित सबैलाई आग्रह गरेको छ।
