बारा, असार १९ । बारा जिल्लाको जितपुरसिमरा उपमहानगरपालिका–२ मा रहेको जगदम्बा स्टिल्स उद्योगको भट्टीमा बुधबार राति भिषण विस्फोट भएको छ। राति करिब ९:१५ बजे फलाम पगाल्ने क्रममा अचानक भट्टी विस्फोट हुँदा समग्र उद्योग क्षेत्र एकाएक त्रासमा डुबेको थियो।

विस्फोटको जानकारीसँगै इलाका प्रहरी कार्यालय, सिमराबाट तत्कालै प्रहरी टोली खटिएको छ र प्रारम्भिक अनुसन्धान सुरु गरिएको छ। प्रहरीका अनुसार, हालसम्म विस्फोटको सटीक कारण खुल्न बाँकी छ भने घटनास्थलमा मानविय क्षति भएको आशंका गरिएको छ।

उद्योग क्षेत्रमा ठूलो आवाजसहितको विस्फोटले सम्पूर्ण परिसर हल्लिएको थियो भने वरपरको जनजीवनमा समेत असर परेको बताइएको छ। क्षतिको वास्तविक विवरण तथा घाइतेको अवस्थाबारे विस्तृत जानकारी आउँदैछ।

Share